影片
更多
2023-05-27
116 浏览
山 Yama📍铜锣湾耀华街38号The Zing!15楼本篇为中篇，主要介绍天ぷら盛り合おせ (天妇罗定食)同甜品草莓大福拿破仑。 💰$288天ぷら盛り合おせ 🍤🍱呢个天妇罗定食有各式各样嘅天妇罗，其中包括番薯、玉米笋、鱼鲛、秋葵、菇菌、两只虾、目光鱼等等。当中想特别讲下目光鱼同埋玉米笋呢两款天妇罗，前者嘅鱼肉非常嫩滑，近乎入口即溶，即使有细骨都可以轻松咬碎，同外面炸到金黄色嘅粉浆形成强烈嘅对比。玉米笋就系我最唔钟意食嘅蔬菜之一，但估唔到以炸天妇罗嘅方式烹调后，我系会觉得佢好食嘅，佢嘅口感唔会似中菜或泰菜𠮶种玉米笋咁软淋淋，反而有少少半生嘅感觉，咬落脆口，无一般玉米笋𠮶阵草青味，令我觉得非常惊喜。除咗一般嘅天妇罗汁之外，店员亦大推放喺碟变绿色嘅抹茶盐，我哋从来都未听过有抹茶盐呢种东西，食落有茶香，又有少少天然盐嘅咸味，朋友非常欣赏，净点抹茶盐已经可以令到食材味道有所提升。 💰$728寿司盛り合おせ12贯+1卷物 🍣Sushi Platter 12 Pieces + 1 Roll草莓大福拿破仑 🍰嚟到甜品嘅部份，我想同大家推介全餐入边最得我欢心嘅呢款草莓大福拿破仑。我同朋友讲就算只系为咗
📍铜锣湾耀华街38号The Zing!15楼
本篇为中篇，主要介绍天ぷら盛り合おせ (天妇罗定食)同甜品草莓大福拿破仑。
[价钱 Price]
💰$288
天ぷら盛り合おせ 🍤🍱
呢个天妇罗定食有各式各样嘅天妇罗，其中包括番薯、玉米笋、鱼鲛、秋葵、菇菌、两只虾、目光鱼等等。当中想特别讲下目光鱼同埋玉米笋呢两款天妇罗，前者嘅鱼肉非常嫩滑，近乎入口即溶，即使有细骨都可以轻松咬碎，同外面炸到金黄色嘅粉浆形成强烈嘅对比。玉米笋就系我最唔钟意食嘅蔬菜之一，但估唔到以炸天妇罗嘅方式烹调后，我系会觉得佢好食嘅，佢嘅口感唔会似中菜或泰菜𠮶种玉米笋咁软淋淋，反而有少少半生嘅感觉，咬落脆口，无一般玉米笋𠮶阵草青味，令我觉得非常惊喜。
除咗一般嘅天妇罗汁之外，店员亦大推放喺碟变绿色嘅抹茶盐，我哋从来都未听过有抹茶盐呢种东西，食落有茶香，又有少少天然盐嘅咸味，朋友非常欣赏，净点抹茶盐已经可以令到食材味道有所提升。
[价钱 Price]
💰$728
寿司盛り合おせ12贯+1卷物 🍣
Sushi Platter 12 Pieces + 1 Roll
草莓大福拿破仑 🍰
嚟到甜品嘅部份，我想同大家推介全餐入边最得我欢心嘅呢款草莓大福拿破仑。我同朋友讲就算只系为咗食呢个甜品，都非常值得再次来访，可见我对呢个甜品嘅喜爱程度。
店员同我哋讲可以分开两层食用，分别系上层嘅草莓红豆大福加半层拿破仑，同下半层嘅椰子雪糕拿破仑。净系睇佢嘅食材都知道口感同味道一定十分丰富，先讲下最顶嘅𠮶粒草莓，佢系来自福冈嘅草莓，甜度高味道浓，新鲜到连块叶都食得。
第二层嘅大福皮本身我系有啲担心自己会唔钟意嘅，因为我一向对软糯口感嘅嘢食不太感兴趣，但估唔到佢呢块大福皮系咁好食，里面夹住嘅红豆蓉唔会过甜，另外一改对大福嘅刻板印象。至于拿破仑做更加唔使讲佢又几好食啦，佢攞过世界第一嘅奖项，层层松化之余，牛油味亦非常浓郁，细细嚿真系唔够喉。
最后就要讲画龙点睛嘅椰子雪糕，佢真系又甜又清新，淡淡的椰子香味扑鼻而来，半溶嘅雪糕配埋松化嘅拿破仑酥皮，真系令人一试难忘。
最后嘅最后就想分享一下朋友嘅见解，佢喺未上甜品嘅时候见到餐具已经好兴奋，咁话应该系同「海」呢一个元素有关。虽然餐厅名叫「山」，但我哋认为都夹杂左其他几种大自然嘅元素。本身佢觉得似海，系因为有一支好似鱼叉嘅餐具，后来上咗甜品佢就觉得比较似同「雪」有关。深深地一条啡色嘅痕，佢觉得好似雪地上面有车经过后留低嘅车軚痕迹，而大福上面洒咗嘅糖霜就好似满天白雪，而匙羹就好似雪铲，唔知你哋觉得又似咩呢？
张贴
