詠藜園四川擔擔麵

营业中

休息中

有咁上下年资就会知道呢个场以前叫做蔡澜美食坊，系由蔡生亲自邀请自己心水餐厅进场开铺，而由当年开幕做到今日都屹立不倒嘅就只剩低咏藜园。我其实开幕时已经有帮衬，中间有段时间系黄埔返工就食得更多，不过已经隔咗好耐冇食过。咁啱有事返黄埔即刻谂起要回味咏藜园最经典嘅担担面！佢嘅午市套餐多年不变咁抵食，今日叫咗两碗小辣担担面，一客回锅肉，一客生煎包，送多两杯冻豆浆，只系$168，两位食够晒。担担面水准依然，面系幼面偏爽滑，配料有肉碎花生碎，汤头系重点我会成碗干咗佢。以前同啲韩国同事嚟食佢哋都好喜欢呢个汤头重会叫多碗白饭捞汤食。回锅肉份量好足，肉菜均等。生煎包正常发挥，个底煎得脆。其实次次都想试吓其他食物，不过套餐太抵，结果都系食返最经典嘅组合。