常得館湖南米線

营业中

休息中

之前系旧铺食过几好味，最近搬左新铺，当然要去支持下！呢间既食材用料吾错，虽然价钱看似较高，但系比返相对质素既食物，所以贵得有原因。湖南麻辣牛肉米线 $59餐牌写住大厨推介，钟意食辣既朋友就岩哂！叫左小辣都觉得几辣下，餐厅用左花椒、辣椒等香料，再加埋猪骨黎煮个汤底，所以闻落去已经好香辣味，食落去会有麻既感觉，辣既后劲都几强劲。牛肉亦都好入味，辣得有层次又惹味。常得牛腩 牛筋米线 $69呢碗走辣，汤底吾系清汤，而系红烧汤，饮落吾会觉得口渴，牛腩同牛筋都好淋，老人家食都好易咬开。米线粗身有咬口，份量同价钱亦都成正比。凉拌牛展 $88因为有人钟意食辣有人吾食得辣，所以一份分开2碟，牛展辣味十足，爱辣人士应该会食得几过瘾。红油抄手$38抄手一共有8只，抄手皮非常滑，包住猪肉，馅料就吾太多，不过配埋带微微甜既红油辣汤好惹味。