濟州燒肉食堂

营业中

休息中

烤肉前先食韩式前菜，因为会令人胃口大开，有四款可以无限添加。特选黑毛和牛上贝肉油花均匀，口感极嫩滑，食得出系上乘品质和牛。豪快和牛烧有两大块，和牛已经有调味酱汁，甜甜地，烤香后可以剪开，我钟意加埋泡菜用生菜夹住食，超满足！豪快济州黑毛猪拼盘包括有黑毛猪五花肉+济州猪梅肉+济州豪快黑毛猪五花肉，份量澎湃，肯定可以满足食肉兽。豪快苹果酱油鸡腿系原只上，烤后肉质仲好滑。大八爪鱼须真系好大只，食得出系新鲜，好弹牙爽口。薯仔排骨汤味道有少少似罗宋汤，仲有一大旧排骨系入面。另外，炉边有芝士粟米同泡菜蛋，都系可以无限添加。拉丝芝士烤软左夹埋肉食真系又好食又充满罪恶感！饮品叫咗柑橘梳打同荔枝梳打，都几大杯，只系$32！值得一赞呢度抽风系统唔错，唔会烟雾弥漫，烧完后d衫同头发亦都唔会有烧烤味道。