好川好菜 (已結業)

同家人聚餐当然要拣返一间装修靓嘢食又正嘅餐厅，今次嚟到尖沙咀嘅好川好菜，地理位置都好方便，一出地铁站其实1分钟都会到到，而且装修可以讲系古色古香，店家用左深咖啡色同红色作为餐厅嘅主调，而且侍应们都着上红色嘅制服食物方面首先都叫咗个粉皮，味到都几出色，前菜来讲都可以叫做系必食。主菜方面叫咗一个水煮牛肉，牛肉嘅肉片好高质，绝对唔系一啲平价嘅肥牛，有种入口即溶嘅感觉，配上红薯粉，真系超级好食。之后我哋叫咗一个熏鸭，呢个菜真系好好食，鸭皮被保留着一啲脆脆地嘅感觉，而且皮下脂肪唔多，忍唔住食多几啖去配饭。仲有就系辣椒炒鲩鱼条，真系辣得好过瘾，而且份量十足。最后就系一定要试吓佢个川式鱼香茄子，真系相当有惊喜，而且个味道系绝对出面食唔到，除咗保留本身鱼香茄子嘅咸香，仲加咗川式味道，辣味同咸味配合出一个特别嘅味道，一定要试吓。