十二味 (LADDER Dundas) (已結業)

《十二味》虽然系一间连锁餐厅，但系今次系我第一次食！成日见到人哋讲到好好味，咁样终于有机会事啦！我哋叫咗羊肉串！虽然比较奀，但系都好香口好惹味😋另外我哋叫咗《泡椒炒鸡》嚟到俾佢个份量吓亲，好大碟配料好多，而且有菠萝一齐炒，就会比较冇咁辣，而鸡肉都唔会炒得好老，好啱配饭食😂之后我哋叫咗重头戏，《水煮牛肉》，比头先𠮶碟嘅份量仲夸张！侍应一放低，啲麻辣味就搞到我吞口水，好香花椒味道！牛肉嘅份量都好足，我哋食极觉得都食唔完咁！而且入边仲有薯粉，同麻辣味系简直绝配！里面仲有青瓜，觉得有解辣嘅作用！咁钟意食辣嘅，我哋非常之钟意呢度嘅水煮牛肉，份量十足，味道又唔会太过咸，非常推介！