影片
更多
2024-10-25
1435 浏览
-邓记川菜 🦀每年一到大闸蟹季节 就一定会带埋屋企朋友去食邓记因为呢度既大闸蟹菜式都好有特色同好好味餐厅顾问总厨邓华东师傅 祖籍四川 师承川菜泰斗孔道生首徒陈廷新 系出名门 秉承川菜既「百菜百味」文化每次食完都有种行左四川一圈既感觉而店铺装潢方面系以四川老成都既古宅庭园为创作灵感非常古雅 食饱后仲可以去阳台小酌一杯 欣赏维港夜景~前菜+ 烧椒皮蛋 ($78)选用四川黄心皮蛋 加入烧焦过既辣椒同特制酱汁 皮蛋香味突出 食落香口辛辣惹味+ 蒜泥白肉 ($118)酱汁咸鲜微辣 五花肉肥而不腻 肉质细嫩富有嚼劲 愈食愈开胃🤤+ 鲜椒海鲜汇 ($148)个人几中意呢一道前菜 - 以独门酱汁调味为带子 八爪鱼同虾肉提鲜 鲜味满满+ 姜汁秋葵 ($88)姜汁香味浓郁 增加左香辣层次感每一啖既秋葵 嫩脆口感 令醇厚姜味渗透 同样开胃大闸蟹料理🦀 6两大闸蟹 — 花椒煎焗大闸蟹 ($388/只; $598/2只) 餐牌上一共有4款口味大闸蟹可以拣包括麻辣十三香卤大闸蟹 / 油盐焗大闸蟹 / 老坛子泡菜大闸蟹/ 花椒煎焗大闸蟹 （我拣左呢个）建议食果阵可以啜埋外壳上花椒油香 非常香口 但完全唔会盖过蟹肉鲜
邓记川菜 🦀
每年一到大闸蟹季节 就一定会带埋屋企朋友去食邓记
因为呢度既大闸蟹菜式都好有特色同好好味
餐厅顾问总厨邓华东师傅 祖籍四川 师承川菜泰斗孔道生首徒陈廷新 系出名门 秉承川菜既「百菜百味」文化
每次食完都有种行左四川一圈既感觉
而店铺装潢方面系以四川老成都既古宅庭园为创作灵感
非常古雅 食饱后仲可以去阳台小酌一杯 欣赏维港夜景~
前菜
+ 烧椒皮蛋 ($78)
选用四川黄心皮蛋 加入烧焦过既辣椒同特制酱汁
皮蛋香味突出 食落香口辛辣惹味
+ 蒜泥白肉 ($118)
酱汁咸鲜微辣 五花肉肥而不腻
肉质细嫩富有嚼劲 愈食愈开胃🤤
+ 鲜椒海鲜汇 ($148)
个人几中意呢一道前菜 - 以独门酱汁调味
为带子 八爪鱼同虾肉提鲜 鲜味满满
+ 姜汁秋葵 ($88)
姜汁香味浓郁 增加左香辣层次感
每一啖既秋葵 嫩脆口感 令醇厚姜味渗透 同样开胃
大闸蟹料理
🦀 6两大闸蟹 — 花椒煎焗大闸蟹 ($388/只; $598/2只)
餐牌上一共有4款口味大闸蟹可以拣
包括麻辣十三香卤大闸蟹 / 油盐焗大闸蟹 /
老坛子泡菜大闸蟹/ 花椒煎焗大闸蟹 （我拣左呢个）
建议食果阵可以啜埋外壳上花椒油香 非常香口
但完全唔会盖过蟹肉鲜香味 只只都啖啖肉 爆膏甘香😍
🦀 蟹粉扒豆苗 ($598)
每次黎都会必点呢个 - 因为真系劲多蟹粉
同埋秋冬必食当造豆苗 加埋咸香蟹粉超正!
🦀 熔岩蟹粉拌面 ($298)
正如其名 D蟹粉系多到好似熔岩咁流落D面条
作为蟹控既我表示很满足❤️
不过记住趁热食 如果唔系D面就会变到一饼饼!
其他菜式
+ 泡椒蒜香焗龙虾 ($688/只)
食川菜又点少得落泡椒 呢道同时系邓记既招牌菜
严选鲜活龙虾入馔 加入鲜嫩清脆既泡椒同蒜蓉汁
重点系每粒龙虾肉球都好鲜甜弹牙
口感丰富 香气浓郁 食落惹味又不会太辣
辣中微酸 令人一啖接一啖咁食
唔怪得会成为邓记经典泡椒招牌菜!
+ 孜然羊肋骨 ($388/例)
想讲食完呢个真系有种瞬间去左一转大陆
用上新疆孜然调味 再用油泡香既辣椒
香气四溢 羊肋骨带点肥膏 炸得酥香肉脆
果种油香真系闻到流晒口水 绝对正宗💯
+ 水煮安格斯和牛 ($528/1份 ; $298/半份)
呢个同样令人置身于四川一样 建议食得辣既朋友必点!
虽然我食唔到辣 但都觉得佢辣得好好味
汤底加入大量花椒 / 辣椒干 / 指天椒 / 花椒油 / 辣椒油
同豆瓣酱等等香料同酱料 红油浓汤非常浓稠
系肉眼睇得到既足料 而且安格斯牛肉入味得完美
同时食到麻 + 辣 + 辛 + 香 + 鲜 + 甜 + 咸
入面仲有宽粉食 好挂汁 整个味道层次丰富惹味
+ 廿年陈花雕鸡煲 - 半只 ($288半只)
用上新鲜嘉美鸡 皮下脂肪少 肉嫩富弹性 含丰富骨胶原
🔉留意番 呢个每日限量只有十客咋!
甜品
+ 四川冰粉 ($38) - 必点用来解辣用
+ 红糖糍粑 ($68/6pcs) - 大推呢个
非常软糯烟韧 完美地结束呢一餐🎉
张贴
