川熙樓 (已結業)

边个话川菜一定辣？ 从来都唔知有呢间，唔系朋友介绍都唔会谂到， 原来真有惊喜。 入到黎，人流唔多，好安静。午餐价钱比我想像中平， 佢仲要位置酒店入面。 由$58-$88不等。 选择都多。尖沙咀真系买少见少， 仲要坐得舒服， 有bb櫈， 唔贵。 蕃茄鲜汤鱼锅配白饭唯一的略带辣味， 酸酸汤底， 滑滑既鱼柳**无骨**， 我至爱。 跷脚牛肉锅有多款菜同菇类配菜， 火锅烧住咁serve。 牛肉好淋， 有牛展， 牛腩片， 同软骨。 汤都饮左两碗麻油鸡面小朋友至爱， 鸡好入味， 肉质鲜美。配埋个蒜泥白肉小食， 薄片同青瓜一齐卷埋， 爽脆口感。 原以为唔够食， 原来份量都几大。 埋单有加一。