川府宴 (已結業)

身为川菜迷既我，最中二周围试新野，朋友介绍呢间新开川府宴话唔错，急不及待去左会一会。装潢上几有四川味道，一道仿古铁门，墙上挂上变脸脸谱，令人享受埋视觉效果。由于两个女仔食唔到多野，所以叫左夫妻肺片，有牛肚，牛𦟌同牛脷，全部经过卤水之后入晒味，之后源拌上麻辣酱汁，基本上食到卤水香同酥辣感，下面垫上川菜最中二既拌菜—莴笋，爽脆口感，的确唔错。另外叫左碗担担面，幼滑面条拌上香辣猪肉碎，花生碎，酸菜碎，麻而酥辣，三两下就食晒。鸡丝粉皮则属于嫩滑型，所以粉皮比较难夹，鸡丝连同爽甜青瓜丝，香口芝麻，些许麻辣，都系饱肚之选。身为健康女性， 菜都算半个主食。香肉炒花菜，花菜香港比较少见，系好脆好有口感既一种菜，配上四川秘制香肉，一打开盖，香味扑鼻。讲起香肉，口感似我地既腊肉，但气味似烟肉，唔油腻之余仲好香，成锅菜精华所在。香酥珍珠蚝都系第一次系川菜试过，挑选左五蚊银大小既珍珠蚝，大火快速炸，所以蚝肉保持唔缩水而且仲好鲜滑，配上特制香辣粉，最重要系唔油，食晒成碟都可以。甜品系女士必食，的地点左一碗红糖冰粉，用上黄糖以及姜汁做甜品既底，配上口感Q弹烟韧冰粉，仙楂片，杞子，提子干，健康首选。