慢煮屋 (已搬遷) 新店位置

观塘骆驼漆大厦3期呢到好多野食，平时好多人等䢂上去。平日嘅夜晚我就同朋友去到，餐厅入面唔算好多人，但店员叫我地喺出面等一阵，之后就喺门口帮我地量体温，再用消毒酒精帮我地喷全身消毒。当日落紧雨，上到去𠮶阵个身本身有少少湿，再喷完都有啲冻，不过好彩餐厅入面冷气都唔算好大。入到去见到餐牌都觉得好吸引，样样睇落都好想食。落单之后我地就倾住计先，话到明慢煮屋，咁当然要慢慢煮，不过当晚唔算好多人，所以都唔喺等左好耐。慢煮三文鱼配牛油果丼 ($82)嚟到见到都好开心，好丰富嘅材料，有半熟三文鱼、牛油果、温泉蛋、青瓜丝、紫菜、蟹籽、火龙果、小蕃茄，另外仲有跟面豉汤。三文鱼煮到半熟所以咬落好嫩滑，啖啖肉。牛油果同火龙果份量都好足，食落好有满足感，配埋落左橘子酱汁嘅饭有清新嘅感觉。一碗丼饭有咁多材料点缀简喺视觉同味觉嘅享受。慢煮火炙牛腹扒乌冬 ($91)慢煮火炙牛腹扒，净喺睇相都已经流哂口水，嚟到都好有日式风味。火炙牛腹扒配酱汁分开上，可以食到酱汁嘅香味。牛腹扒慢煮到半熟，肉质有咬感又鲜甜。加左$3转乌冬，好烟韧弹牙。最惊喜喺乌冬上面嘅萝卜片，造型感满分，咬落好爽口，加埋半只半熟蛋，食完好满足。