Browny At Industrial (已結業)

呢间主打咖啡既小店都有意粉，三文治等提供。其实呢种小店在葵芳工厦真系少之又少，cafe都应该只有呢间。餐厅环境好适合叹杯咖啡，在下午慢慢坐低睇下书。当然返工只可以食个lunch。其实都黎过好几次，喜欢餐厅用心制作既食物同环境。但系黎食最好预先book定位，最好讲埋食咩等餐厅可以预先准备。因为餐厅始终系小店，人手不足，唔想等咁耐就就得book位喇。餐厅午餐都算多选择，同一般cafe差唔多。是日意粉系红菜头汁蘑菇带子意粉-好特别，又健康！带子煎得刚刚好，意粉味道虽然偏淡，但烟靱，唔错！鸡肉意粉- 鸡带点偏咸，但整体意粉同汁都几好味。由于人手不足，店员都忙得不可开交！作为用心经营既小店，我觉得值得支持一下！