影片
更多
2015-06-17
712 浏览
今晚约咗朋友喺观塘工业区食饭，小妹喺牛头角返工，6点钟就准时收工，距离食饭时间仲有个半钟，咁就慢慢沿住观塘海滨长廊行去观塘啦。今日虽然好热，但黄昏时份，温和嘅阳光，伴随著阵阵嘅海风，感觉还好。喺海边慢慢散步，远眺邮轮码头，欣赏徐徐嘅日落，望住海面上泛起金光闪闪嘅海水，真系一天嘅烦恼都消失晒。行下行下，又行到观塘广场附近，就见到成业街，而喺成运工业大厦一楼嘅新汇聚亦都好易揾，楼下有个大灯箱，上一层楼梯就到门口了。本来对于工厦里面嘅食肆嘅环境都无咩期望，但入到去见到装修都还可以，近门口有个鱼缸养住少量嘅鱼虾蟹，内里环境灯光火猛，企企理理，唔似果啲旧式工厂大厦食堂。呢度多数都系圆枱，侧边就有几张卡位，挂墙亦都有几部电视，冷气亦都好足够，就当晚所见到全场满座，真系估唔到放工后嘅工厂区都会咁热闹。同老板倾开计先知原来佢以前系喺牛头角下邨开大排档，想当年我都帮衬过几次，特别钟意佢嘅小炒菜式够镬气。估唔到老板原来转址继续经营，实在难得。出嚟食饭就当然叫啲平时喺屋企唔会煮嘅巧手𩠌菜，又或者系厨师推介实无死错人啦，我哋叫左个出名嘅杏汁炖猪肺汤、四川手撕鸡、招牌话梅骨、虾汤浸胜瓜。先饮个 杏汁炖猪肺汤试
行下行下，又行到观塘广场附近，就见到成业街，而喺成运工业大厦一楼嘅新汇聚亦都好易揾，楼下有个大灯箱，上一层楼梯就到门口了。本来对于工厦里面嘅食肆嘅环境都无咩期望，但入到去见到装修都还可以，近门口有个鱼缸养住少量嘅鱼虾蟹，内里环境灯光火猛，企企理理，唔似果啲旧式工厂大厦食堂。呢度多数都系圆枱，侧边就有几张卡位，挂墙亦都有几部电视，冷气亦都好足够，就当晚所见到全场满座，真系估唔到放工后嘅工厂区都会咁热闹。
同老板倾开计先知原来佢以前系喺牛头角下邨开大排档，想当年我都帮衬过几次，特别钟意佢嘅小炒菜式够镬气。估唔到老板原来转址继续经营，实在难得。
出嚟食饭就当然叫啲平时喺屋企唔会煮嘅巧手𩠌菜，又或者系厨师推介实无死错人啦，我哋叫左个出名嘅杏汁炖猪肺汤、四川手撕鸡、招牌话梅骨、虾汤浸胜瓜。
先饮个 杏汁炖猪肺汤试下先，奶白色嘅汤底，见到里面有好足料，师傅话要落鸡就系要取其鲜味。闻落有淡淡嘅杏仁味，就好似杏霜嘅味咁，虽然系用鸡嚟炖制，但一啲都唔怕油腻，个汤仲好鲜甜。杏仁本身润肺养颜，猪肺又可补肺，鸡汤又够滋补，真系滋润到入心入肺，饮完个个都争住要添饮。连我本身唔会饮杏霜嘅，都接受到呢个汤，只系闻落有少少杏仁味，但饮落就系鸡汤味，所以唔钟意杏霜嘅人亦可以一试。
天气热我都钟意食啲凉拌菜式， 四川手撕鸡睇个样已经好吸引，有辣椒、青瓜、番茄、洋葱、芝麻。我最钟意手撕鸡啖啖肉，一啖咬落去，皮爽肉滑，好香麻油味，仲有洋葱同辣椒渗出少少辣味，唧埋青柠汁落去酸酸辣辣仲开胃，真系越食越想食，我相信我一个人都可以食晒一碟呀。
呢度嘅 招牌话梅骨望落好似京都骨咁，食落有点酸酸微微嘅话梅味，又少少甜甜哋，骨肉均称。原来老板专登用起出话梅肉烘干，再磨成粉末加入调味料之中，咁就可以令到每一件排骨都沾有话梅的香气，果然好有心呀，抵赞。
虾汤浸胜瓜，虾汤好鲜甜味道唔呛喉，汤里有大量嘅虾米增添虾汤嘅咸鲜味，煮到啲胜瓜好入味，又唔怕煮得太淋，简简单单，又清清哋嘅一道菜。
题外话/补充资料：
随著观塘区开始转型，由以前嘅旧式工厂区，陆陆续续兴建好多甲级商厦，跨国企业亦都有进驻呢一区，食客嘅层面广泛咗，客人对食物嘅要求质素亦都有所提高，客人需求增加，当然亦都多咗唔少新食肆进驻，竞争自然多咗。有实力嘅食肆当然可以吸引到多啲客人，要留住一班熟客，保持住食物嘅质素当然重要。
而新汇聚嘅老板亦都深明呢个道理，随咗保持到食物质素外，亦不时加添新元素，重要嘅系老板亦都好识留住客人嘅心，见佢几乎每一枱都行过去亲自招呼，新客又派卡片，同熟客闲话家常又问一下对食物嘅意见呀，我觉得佢真系好有心去做呢间舖，呢度食物质素又唔错，价钱又经济实惠，所以我有机会都会再去帮衬下，支持一下清云哥先。
(以上食记乃用户个人意见 , 并不代表OpenRice之观点。)
张贴
