熨烤達人 (已結業)

今日女友话想食韩国野，上网揾左呢间一战。门面光鲜特别，入到去都好有特色，怀旧工业风。我地已经预早6点食晚餐，餐厅已经有唔少人，人气旺。餐牌图文并茂，好多选择，有韩烧，有韩菜。一场黎到，紧系咩都试下。另外佢d 菜名都好过瘾特别。平时好少食韩烧，完全唔识点搞个铁板，落料同点食。个侍应十分好人，好耐心咁教我地先落蛋同芝士，之后点d 蛋汁食。点左一客特级雪花牛，真系物有所值。劲有牛味，又淋，劲好食。加埋d 芝士蛋汁，一流呀。仲有个真露煮蚬，d 蚬鲜味一流。份量唔少。叫左一个特别野，大园手搅饭，未见过未试过。有得玩又有得食。食落好试d 沙律饭，太大份量，一个人食唔晒架，记得叫多d 人去试。另外试埋个韩式饭，汁咪浓，好味，份量ok。最后建议大家叫多几个人一齐食，今次得我地2个人，真心试唔到好多野，因为佢好多好多菜式都好似好吸引，而且份量偏大，抵食。