Burgeroom (已搬遷) 新店位置

老婆想去呢度食想左好耐了, 今日终于带到老婆黎食个TEA.4点几去到, 等左大约10分钟就有台, 坐低睇左阵menu, 决定叫个香脆龙脷鱼柳蛋汉堡同埋芝士旋风薯条, 加杯朱古力同一支橙汁, 收银个人唔知系唔系老板, 态度有D寸...比完钱就返位坐, 我除左件褛挂住椅背, SHOPPING完既购物袋放在台底, 隔左阵有个人系厨房拎一大袋圭垃圾出去街边, 我初时都无为意, 见到个老板面色一变, 好似好紧张咁望住D侍应, 我转身一望, 见到袋垃圾穿左, 漏晒D污水系地, 我即弹起身, 再望下件褛, 见到弹左好多水系度, 台底个袋都有, 之后有个侍应拎左几张纸巾比我就走左去, 一句SORRY都无, 呢间野D服务态度差到爆灯!!! 野食方面, 味道是好的, 杯朱古力唔会好浓, 味道刚刚好, 抵赞.香脆龙脷鱼柳蛋汉堡, 好大个, 好彩只系叫左一个share食, 如果唔系, dinner一定食唔落. 真系好大个, 研究左阵都唔知点食好, 最后选择一层一层咁食. 芝士旋风薯条, 新鲜炸好出来, 热辣辣好好味, 个芝士酱亦都好香. 结论, 野食系好, 坐位就好似迫左D, 服务非常差!