陳財記

营业中

休息中

一行二十几个人食饭，提前1星期订座。话俾间房我地但有5000蚊低消，已经明确回覆左餐厅，我地唔系要房有位坐就可以，5000蚊低消我地唔接受，但当日依然俾左房我地坐。坐低叫人真系叫天不应叫地不灵，个个吖姐态度都好唔耐烦。由于有老人家我地想要一壶暖水俾佢地饮，直到餐饭食完都冇黎过。我地叫左20几罐饮品加20枝啤酒都即到，叫壶免费水就唔理人。落单个阵一直不断sale特色菜，我地其实已经打过电话留海鲜，都拒绝左好多佢地sale既菜，最终只系加左2条鱼同2碟辣酒花螺。上菜速度慢，又唔系特别好食，小朋友要食既蒸水蛋等左成个钟头先到。埋单个阵我地先知2碟辣酒花螺加埋要成600蚊，我地问吖姐点解咁贵，佢话1例148蚊 (半斤) 我地每碟辣酒花螺系1斤，所以600蚊。我地问点解会变左每碟1斤？落单个阵我地只系话要2碟，佢地就擅自帮我地落斤数，而且落单完全冇同我地讲过。吖姐仲口口声声话我地落单个位小姐知道，但1枱10几个人都冇听到过佢有讲。埋单差唔多成6000蚊，完全唔知自己食左啲乜野，服务态度同职业操守特别差。以前食过几次都冇咁既情况，一见人多就㓥你，唔会再有下次。