影片
更多
2010-05-23
24 浏览
可能有人见到个标题会好奇怪！点解有人会将新斗记评得咁差！还请各位听我细细道来。上星期日同屋企人补祝母亲节，于是就去左新斗记，光顾新斗记都有4、5年了，虽然距离上次都有一年，但对佢地都好有信心，是日点了以下菜式；1. 乳猪 - OK 一贯水准2. 豉椒炒蛏子王 - 差劲差 蛏子$33/只，我叫了9只，点知上枱时居然大兜乱，D蛏子又细只，D肉跣晒出泥，究竟有冇9只都成问题！都算喇！蛏子炒到又老又"鞋"，哗老细！你冇嘢呀！$33只蛏子，你畀D咁野我！3. 牛油焗龙虾伊面底 - 绝顶难食 到个龙虾喇，上枱时个样都好正常，但系一食就出事喇！D龙虾"梅"嘅，重有D臭臭地咁味，而D伊面仲超咸，咸到有D"乸"脷，到最后龙虾同伊面都食剩一半！呢个龙虾伊面盛惠$496，$496畀D咁嘅质素嘅食物人食，"新斗记" 你仲有冇良心o架！4. 粟米斑块 - OK, as usual5. 泥鯭粥 - 不过不失6. 生炒排骨 - OK，不过排骨肥左D7. 啫啫生菜煲 - 成餐饭至正呢个，所以极速食晒8. 姜汁芥兰 - OK！9. 豉油王炒面 - 不过不失！服务 - 老实讲，认真麻麻！可能我哋冇点D贵野，
上星期日同屋企人补祝母亲节，于是就去左新斗记，光顾新斗记都有4、5年了，虽然距离上次都有一年，但对佢地都好有信心，是日点了以下菜式；
1. 乳猪 - OK 一贯水准
2. 豉椒炒蛏子王 - 差劲差
蛏子$33/只，我叫了9只，点知上枱时居然大兜乱，D蛏子又细只，D肉跣晒出泥，究竟有冇9只都成问题！都算喇！蛏子炒到又老又"鞋"，哗老细！你冇嘢呀！$33只蛏子，你畀D咁野我！
3. 牛油焗龙虾伊面底 - 绝顶难食
到个龙虾喇，上枱时个样都好正常，但系一食就出事喇！D龙虾"梅"嘅，重有D臭臭地咁味，而D伊面仲超咸，咸到有D"乸"脷，到最后龙虾同伊面都食剩一半！呢个龙虾伊面盛惠$496，$496畀D咁嘅质素嘅食物人食，"新斗记" 你仲有冇良心o架！
4. 粟米斑块 - OK, as usual
5. 泥鯭粥 - 不过不失
6. 生炒排骨 - OK，不过排骨肥左D
7. 啫啫生菜煲 - 成餐饭至正呢个，所以极速食晒
8. 姜汁芥兰 - OK！
9. 豉油王炒面 - 不过不失！
服务 - 老实讲，认真麻麻！可能我哋冇点D贵野，个仕应点点吓菜都未点完就走开，好似好唔耐烦咁！
结论 - 就算有人请我食，我都唔会再去喇！呢餐饭9个人，$2000，唔系钱o既问题，系态度嘅问题，服务差、食物质素又差！！点可以说服自己再帮衬呀！
张贴