蕃滿門

营业中

休息中

次次经过蕃满门都非常多人排队，应该都好好食。咁周末就同屋企人一齐早d去啦，但点知都要排队。最后要搭台同其他食客一齐坐。入到餐厅睇完餐牌，真系哗左一声，因为$50左右先得一个汤饭或者汤粉面，仲要唔包饮品，不过试下无所谓啦。最后叫左个蕃茄牛肉长通粉、蕃茄牛肚螺丝粉同埋蕃茄鸡扒公仔面。头2个餐都好快到左，但个鸡扒公仔面迟迟都未到，最后俾左个炸鱼柳同公仔面，但我叫鸡扒呙，当然话个鱼柳唔系我啦。咁个侍应就俾左个公仔面我先。点知坐隔离台条友一早攞左个鸡扒但佢系叫鱼柳，之后个侍应就将个鱼柳俾左佢，然后将佢个鸡扒俾我。有乜理由将人地可能食过个𩠌拎黎俾我就算。我当然即刻要佢换啦，佢好似唔想换咁。以后都唔会再黎。