料理農務 (已結業)

系PMQ食LUNCH闲闲地都2、3百一位，见依间$128/位(+10%)，个名又几得意咪试下啰。Set Lunch可以选例汤或炒菜，小食和主菜一款，白饭和甜品。小食点了醋拌云耳(丝) 和凉拌粉皮，上菜时吓咗一跳，个小食真系好小㖞，好似豉油碟咁大喳！到上主菜，青椒炒鸡丁和酸甜鱼块，都唔期望份量大得去边啦，味道还可以，个人觉得较重口味，果然越食越口渴。最满意竟然是最后来既炒菜，系豆芽煮豆卜，可能已经无期望，所以感觉良好，似妈妈煮的住家菜！最后甜品是红豆沙，应该话系红豆水，豆还豆、水还水、一啲都唔起沙。整体成餐饭又细碟又唔饱食完仲劲口渴，真系差都无得再差！