魚米家魚湯米線 (已結業)

考AL Geog，即系最后一科既lunch。考完SQ，手部做足运动，肚子打鼓，行去君荟坊睇下有咩好食。见到有间米线，正合我心意，就入左去食个lunch啦。入去座位系自己选既，因为根本冇人serve。睇两睇就叫左香茅鸡翼米线，有个小食送，要左烧墨鱼丸，饮冻奶茶。十分钟唔洗就黎碗米线啦，见冇筷子，就问阿姐拎对筷子啦。点知有个较高级既侍应(个头gel到好行既二十岁左右既年青人)，急步行过黎，拉开枱边既一个柜桶，转身走左去。咁我第一次食点知果度有个柜桶呀，洗唔洗咁既态度…讲返碗米线，奶白色既鱼汤冇咩鱼味，有清甜味但喝完口渴。香茅鸡翼亦冇香茅味，好似普通炸鸡翼。墨鱼丸就弹牙，有墨鱼味，几好。奶茶就普通质素。食食下，我见到个年青侍应话:「大陆人呀，我都唔知佢讲乜野」（夹杂粗口），叫个阿姐去帮内地客落单。唉…今时今日咁既服务态度，点得呀。