魚米家魚湯米線 (已結業)

因為沒想過要來寫食評，所以也沒拍照，可是真的不能不寫，因為實在有點太過份了！那天下班，打算和男友隨便找間食店醫肚，我對食物沒什麼要求，當然好味道最好，但只要能入口我也沒什麼想法的。然後，為什麼我這種’有得吃就好’的人也要來寫食評呢？首先，我和男友不是沒吃過魚米家，但不是君薈坊而是坑口那間，味道記得是不太差的，服務也沒什麼問題，心想分店，能有多大分別呢～可是我錯了，這一餐吃下來，除了火，還是火。先說食物，那天我叫了魚腐米線，在坑口也是吃這個，我很喜歡那小咸的味道，而且份量也多，算是抵吃的。因為男友對吃不像我，他有一定的要求，但他也說魚腐ＯＫ，不算太好吃但也不是難吃的。說回君薈坊這間，魚腐不太熱，感覺是在吃冷飯冷菜，而魚湯的味道，除了味精，還是味精，一點魚的味道也沒有，算是另一方面的厲害男友吃的是豚肉滑蛋飯，等了很～～～久，吹了沒用，因為侍應根本沒跟進。他說他的豚肉滑蛋飯，汁很咸，飯很硬，蛋是焦的，肉是鞋口非常老的。我真的不懂，明明都是魚米家，明明是分店啊，怎會差這麼多？！材料不是一樣的嗎，為什麼一樣的供應商一樣的做法一個很不錯，一個卻是非常差呢？？飲品也是，我的熱華田沒味，男友的熱啡沒奶

自從PopCorn開幕後，君薈坊的食客好像有所減少，今次午餐再到魚米家，效率略有提高，落單、上菜都很快。我吃了一碗$32的菜肉餃子米線，米線味道正常；湯底不太有魚味，感覺普通；菜肉餃餡料足，略為挽回失分。午餐包飲品一杯，凍飲加$3。我已決定不會再加錢喝凍飲，一來可以省去以數元買冰塊的不划算，二來少喝凍飲身體會健康一些。我一如以往喝了熱菜蜜，味道似舊，沒甚麼特別。

1.野食黎得慢：→人地食完你果份都未黎→一係唔黎：有次食午餐，成半個鐘都未有，只好取消張單，之後勁急去其他地方買午餐食→催極都未到2.服務態度差：→個個好似遊魂咁→問咩都黎得慢，再唔係就唔記得3.個櫃成日都冇足夠餐具：→有幾次都係冇餐具，要問，問左都黎得慢

3月9夜晚去食宵夜!食到一肚氣!間店無服務都算,D員工做野HEA到爆!叫熱奶茶變凍，鯊魚丸變沙嗲牛肉，叫麵線來碗仔翅！原來米線賣曬,不過落單時唔出聲兼無問過就俾碗仔翅!呢個情況,簡直嬲到成個餐換左佢!我碗米線就拎走D沙嗲牛肉,擺番3粒丸落去,好明顯個湯底係變黃兼有沙嗲味!無奈到都費事出聲!成班員工睇落去無一個話得事,全陪都似懶洋洋的人!食過今次真係無下次!

附近興建中的屋苑正進入最後完工階段，建築工人比以往更多，以致午市時段，各餐廳都人山人海，魚米家亦不例外。雖然我們無需等位，但坐下落單後要等候極久，食物才送到。第一碗米線出現時，我們仍未有茶，舉手找侍應，可惜沒有人理會，唯有自己去拿了。等呀等，又過了五分鐘，炒公仔麵還是未見踪影，又要催促一下，最後多等數分鐘才可以開餐。我們吃了～香茅豬扒米線(轉蕃茄湯底)($32)：豬扒竟然沒有切開，是因為廚師太忙的關係嗎？肉質不過不失，米線和湯底保持一貫水準。乾炒豬扒公仔麵($34)：公仔麵份量少，味道淡，要加辣椒油才稍微容易入口。豬扒很嚡，肉亦少，反而椰菜、蔥等過多，令我有主次不分的感覺。以上食物均包一杯熱飲，我依舊喝熱菜蜜，味道沒甚麼特別。由於食物不吸引，加上欠缺效率，服務一般，我暫時不會光顧，待人流減少才再考慮吧！

午餐去了魚米家，人不算多，無需等位之餘，食物很快送上，十分有效率。我們吃了：星洲炒米($34)：炒得有鑊氣，米粉很爽，有辣味，蝦肉亦算新鮮，份量足夠，味道好！魚肉春卷米線($32)：蕃茄湯底很清甜，米線質感保持一貫水準，魚肉春卷有六塊，算是值回票價。熱菜蜜：非常熱，味道正常，不會太甜或淡。好立克：整頓飯最失敗之作！好立克沖得太稀，淡而無味，加了糖仍感到難以嚥下。

是日午餐去了魚米家。我吃了乾炒雞翼公仔麵，$34包一杯熱飲，如果穿著校服，只需$29，兼無需加$2轉凍飲，做學生真好呀！公仔麵很美味，可惜略嫌少，麵內有太多洋蔥、蘿蔔絲、雜菜等，數量甚至可與公仔麵匹敵，有喧賓奪主之感。雞翼皮很脆，但非常細小，沒甚麼肉可吃。整體而言，這碟公仔麵普普通通。飲品方面，我喝了熱菜蜜，不太甜，味道尚可。朋友吃了魚腐米線(轉蕃茄湯底)，一碗米線有七顆魚腐，份量足夠；蕃茄湯味道夠濃，米線軟硬適中，好！另外她喝了熱好立克，味道沒甚麼特別。

6個人食完野,,杯野飲都仲未到;o你冇野呀,,服務態度又唔好又搵啲老尼姑做,,係都搵後生啲嫁,,起碼有記性呀;D唉~冇服務態度都算啦xd杯野飲遲黎都算啦xd最慘係啲冰多到成個咁制;o依家我飲野定食冰= =

尊登放徦陪姊姊行街，到下午茶時間就同佢嘆吓下午茶。下午茶時段很少人幫襯，但招呼都係麻麻哋，想叫人加水都不容易。我哋要魚腐魚湯米線餐（$27），仲有小食和咖啡，小食我擇咗雞翼。米線賣相麻麻哋，但魚湯味道唔錯，魚腐也有魚味，ok啦，雞翼醃得入味，雖炸得不算香脆，但味道不錯。咖啡就不過不失啦。

呢個禮拜都要考試,所以早放.星期二同班同學黎呢到食,因為果陣仲係十一點未有午餐,所以就食住早餐當午餐,反正早餐價錢都比較平.入到去坐低左之後,就睇下個餐牌搵下有咩岩食.不過d野食好似唔係太吸引,所以我同d同學都叫左沙爹牛肉公仔麵,同埋加錢要奄列.我就轉做米線,另外要火腿奄列,餐包同熱朱古力.餐包暖暖地,呢樣唔係太多餐廳會做到,但係味道就唔夠香,仲有d淋,包埋比你果舊牛油仲係融嘅-_- 至於火腿奄列簡直係垃圾:@我從來未食過d奄列有咁多氣泡,一d都唔滑,又冇蛋香,而且火腿同奄列完全係分開晒!加$3去食呢碟野睇落好似抵咁,但係食落就知咩事:S米線同湯底好一般.講到沙爹牛肉,真係無言-_- 沙爹味好淡,你唔講我都唔知自己係咪食緊沙爹.輪到牛肉,真係好難食!牛肉切得太厚,一d味道冇,又唔夠淋,煮到d牛肉拏埋一舊:@ 熱朱古力:為左令到杯朱古力更加香濃,佢落左勁多朱古力粉,可惜弄巧反拙,杯朱古力唔滑,真係好難飲其實我都唔係第一次食魚米家,小一果陣食過都唔覺得好味,到依家,依然冇變.睇黎,我要將佢列入黑名單.

嗌左個豬扒炒公仔麵醬爆鯊魚丸米線淨魚腐豬扒炒公仔麵除左豬扒煎得香都無咩特別鯊魚丸真係俾佢呃左仲唸住係好彈牙既丸來原來係包心丸來味道又唔好最唔抵就係個淨魚腐份量真係幾多不過弊左d味道唔得有陣油溢味仲唸住做魚湯既店魚腐會好食原來係錯,錯哂

因家住附近, 所以不時幫襯這家魚米家，食物質素不差，但上餐速度每況越下，有時甚至漏單，就算再叫服務員跟進後，還是無野送到，職員的整潔度不專業，送餐時經常倒瀉湯汁在地上，都不會理會，整體上餐廳給人感覺都不太整潔，如果再這樣下去，做生意既不要再說生意難做，因為這間餐廰並沒做好本份。

是晚不想吃得過飽﹐所以行經魚米家便進來吃碗米線。 現在魚米家米線的款式已沒有以前那麼死板限死那款食材只可拼那些。現在的選法就像車仔麵般﹐選了湯底後(魚湯或蕃茄湯)﹐顧客以$4/食材配搭一碗合適自己的米線。因魚米家魚湯米線已試過很多次﹐所以這次點了蕃茄湯底+豬扒﹐鮑汁扣鵝掌﹐牛肚。 蕃茄湯味道較天然蕃茄湯酸甜﹐相信下了不少調味料。三款食送菜中以豬扒最好吃及底食﹐肉質雖然經化學化﹐但肉質還有咬口。鮑汁扣鵝掌只有一隻﹐而牛肚只是數條薄切﹐味道都是一般。 如不想吃得太飽及清淡些﹐這處都不錯。

今晚原本想去睇太空館MUMMY, 點知平安夜收早，無得睇，結果plan再去TKO探險。青檸先生話MTR out of order, so I take 98A from Kwun Tong to Hang Hau，點知一take就take jor 30 mins, (它行山路)我地開發前，青檸話有點肚餓，所以我地上完能量先出發。到了魚米家，我地叫左一碗魚腐醬爆鯊魚丸米線，其實之前都食過醬爆鯊魚丸，覺得好好味，今次試埋魚腐，都係好正個湯底又好，唔會太淡。正常的size比tea size大好多，so we share one bowl 都OK 無問題!但等候時間就耐左少少，因為我聽到隔離桌都always ask the waiter to check~不過，同青檸一齊，咩都唔緊要啦，我地可以大家望住大家麻！我check 過所有魚米家都集中在TKO區，其它都唔就腳，so ho hard eat到青檸, MERRY CHRISTMAS! HOPE YOU LIKE THECHRISTMAS PRESENT THIS YEAR! I LOVE YOU!

今日第一次黎到呢個商場 要係附近既學校度考會考口試..但又未夠時間所以就隨即找間餐廳諗住食個下午茶飲杯熱奶茶啦!係出面望落去間野都好大下..貿然行到入去..沒人招呼 自己找了個兩人的卡位坐下而座位就在廚房出野食的吧台隔離.. 有塊玻璃同屏風仔隔住少少咁啦!坐低左好快就有個阿姨落幫我落單了..落單後坐低睇下餐牌咁啦無幾耐點了的熱奶茶黎到, 只有杯同個匙仔, 冇糖..看了調味架也沒有就叫阿姨過來了..佢黎到咩都冇講就拉開台隔離既櫃統.咁我就拎d糖咁其實我第一次黎唔知有得自己拎都冇咩姐 好啦時間一直過我一直在等我的西多士..等左好耐..期間見到既野其實真係令我好唔滿意..有個年輕既戴黑框眼鏡既waitress不斷大聲叫囂(係吧台附近有d位係得我坐呢個位先見到),另外有個男waiter個口不斷的郁我相信是在偷食廚房比既野吧..咁都算啦..佢地不斷傾計同玩..又哄到好埋咁個女仔真係好大聲係度笑同玩..我睇左咁耐其實會覺得好煩憂。等左好耐..我終於見到我點的西多出現在吧台,但係等左好耐..都冇侍應去拎黎比我..有一刻我好想行埋去自己拎囉..終於有第二個女侍應行埋去, 佢係度加糖漿, 但佢加加下又用