WIRED CAFE (已結業)

食物质素麻麻地就一早已经知 纯粹因为要快唔洗等位先拣喺度食 所以冇抱任何期望 但服务员态度差先系令我要浪费时间打comment 嘅真正原因一嚟到门口reception𠮶位女侍应已经唔系好想理人咁 可能佢有嘢忙紧 唔紧要行入啲睇下有冇其他人可以帮忙带位 坐低咗要落order喇 系头先𠮶位唔想理人嘅女侍应 可能系开得正佢𠮶饭啦佢今次理我喇 黑口黑面咁帮我落单后走咗 或者佢天生黑面 算啦 啲嘢食嚟得好快嘅 但质素真系只有颓字可以形容 尤其是啲沙律菜 好霉 到最后都系放弃咗啲菜 到埋单先正 一路「唔该....唔该」都冇人理 眼见餐厅内有几枱客 三个侍应都行嚟行去好忙咁 等候多阵啦冇乜所谓 呢个时候黑面女侍应又出现喺我面前 佢只系喺我前一张位置 我举一举手 想话声佢知想埋单 佢望一望我 然后扮睇唔到 第一次佢执枱有嘢做算数 第二次又系咁？！ 可能佢想指意其他同事帮手啦 但问题其他人忙紧嘛小姐 答一句「等等」都好吖 直接无视 到佢真系知道得自己得闲喇 终于行过嚟 好唔耐烦咁讲咗句 「有咩帮到你呀～」 埋个单啫有咩得罪你 唔想做就转工啦 忙可以理解 等都唔系问题 但作为一个服务人员最基本嘅礼貌都冇