影片
更多
2022-05-15
256 浏览
第一次写食评日期：5月15日时间：1点30大约一点半左右去到排队（前面大约有4张2人枱等紧，后面有一家四口排队），等了大约20分钟左右，时间尚可接受。排队时侯已经有位staff问我地食咩，我地未答佢已经话得返清汤（原意系去食白汤拉面 + 沾面），仲叫我地下次再早啲嚟。咁一场嚟到都试下个白汤，因为佢旗下其他拉面试过都好食嘅，所以有啲信心。随后有一家四口排队，我听到staff都系用同一番说话得番清汤。入到去坐低，等咗一阵都好快有得食，食到一阵一家四口都入咗嚟，而我食到七成左右，我见到侍应拎咗一碗我唔肯定系咪白汤拉面嘅嘢去一家四口𠮶枱，我怀疑咗一下，但冇太大理会，继续食。随后有两位女士入座，坐咗我隔离（吧枱），佢地嘅食物系白汤拉面+沾面！我特意嚟到，满心欢喜食，你话卖晒我真系唔紧要，但餐厅嘅arrangement真系好差，冇理由系咁样运作，大家都系排队入去食，一啲有得食一啲冇得食咁，浪费我时间，其实心情真系会好差，可能有人会觉得我夸张。食物评价：真系好一般，冇太大惊喜。面同汤好似分开两样嘢咁，面还面汤还汤。蚝嘅味唔算太重，个人喜好啦，有啲人可能钟意重味，有啲人钟意啖味嘅，自行判断啦。面质就可
日期：5月15日
时间：1点30
大约一点半左右去到排队（前面大约有4张2人枱等紧，后面有一家四口排队），等了大约20分钟左右，时间尚可接受。
排队时侯已经有位staff问我地食咩，我地未答佢已经话得返清汤（原意系去食白汤拉面 + 沾面），仲叫我地下次再早啲嚟。咁一场嚟到都试下个白汤，因为佢旗下其他拉面试过都好食嘅，所以有啲信心。
随后有一家四口排队，我听到staff都系用同一番说话得番清汤。入到去坐低，等咗一阵都好快有得食，食到一阵一家四口都入咗嚟，而我食到七成左右，我见到侍应拎咗一碗我唔肯定系咪白汤拉面嘅嘢去一家四口𠮶枱，我怀疑咗一下，但冇太大理会，继续食。
随后有两位女士入座，坐咗我隔离（吧枱），佢地嘅食物系白汤拉面+沾面！
我特意嚟到，满心欢喜食，你话卖晒我真系唔紧要，但餐厅嘅arrangement真系好差，冇理由系咁样运作，大家都系排队入去食，一啲有得食一啲冇得食咁，浪费我时间，其实心情真系会好差，可能有人会觉得我夸张。
食物评价：真系好一般，冇太大惊喜。面同汤好似分开两样嘢咁，面还面汤还汤。蚝嘅味唔算太重，个人喜好啦，有啲人可能钟意重味，有啲人钟意啖味嘅，自行判断啦。面质就可以一赞嘅，有口感，软硬系适中，系我喜欢嘅质感。
环境评价：餐厅环境算系干净，光线充足。可惜坐吧枱会见到洗碗环境，我就不太接受到。
最后，个个际遇唔同，我只系陈述当日情况，希望餐厅睇到可以改善一下，毕竟都有好多人特意嚟试，但我就冇下次。
谢谢
张贴