大快活

营业中

休息中

作为一个典型既年青人，无论返part time定返学，每日做野做到3点几就必定会想食野。美食方面，西湾河呢头最出名当然系太安楼啦。但近排天气咁热，又有时落雨，反而想揾个有冷气地方坐下，所以就过左对面既大快活。即煎西多士配珍宝肠（$29）呢度下午茶选择几多既，睇餐牌主要分为西多士、烧鸡脾同碗仔翅三大类。因为惊佢事先整定放系度会有卫生问题，我就叫左个即煎既西多士配珍宝肠餐。西多士新鲜整好，加埋熔熔地既牛油几香脆几好食；珍宝肠就不过不失，无论大小同味道都合格，算系预期之内啦；另外佢仲包埋一杯低糖冻绿茶，味道就一般，但炎炎夏日饮落都几消暑，系个唔错既选择。总括而言，我觉得呢间快餐店下午茶系唔错既，可以耐唔耐食一次。