喫茶ちょうぼ

营业中

休息中

环境冇另一间分店靓，但食物味道一样。 日式红酒炖牛肉蛋包饭 上台会帮手浇红酒汁。作为餐厅必点之一既蛋包饭，中意食咩配料随意叫都冇伏。蛋系半熟流心状态，好完美，蛋味都好香。牛肉卖相一般但好淋好入味。 炸软壳蟹意粉 软壳蟹够大只又香脆。虽然有少少难切，但用少少力都分到。冇油抑味之余又唔会只系得壳冇肉。意粉都算弹牙，系个蕃茄酱有少少普通，好家庭式。 自家制汉堡扒定食唔建议。Size唔算大，直径细M记少少，但高少少。而牛肉汉堡扒都厚身同有肉汁，可惜薯条真系少少难食。 布丁世一高度还原日本布丁，好好食。