RBTea

营业中

休息中

好耐冇去始创食嘢，想拣一间坐得舒服啲静啲嘅地方食晏。朋友先到，所以我一到餐厅就直入摆低袋坐低剥埋褛，想点餐嘅时候，先知原来要出返门口收银处点餐。要记住自己同朋友想食乜，真系记性差啲都唔得。我哋拣咗香浓忌廉蚬意粉($74)、烟三文鱼凯撒沙律脆香松饼免费升级黑松露炒蛋($108)，跟柠檬茶、岩盐芝士Oreo朱古力奶茶(+$12)。松饼有啲韧，唔松脆。烟三文鱼同凯撒沙律正常发挥，唔特别好。炒蛋就几滑几好味。意粉方面，蚬煮得够味，意粉同个汁都OK，冇投诉。杯Oreo朱古力奶茶就真系麻麻，好甜又好咸。可能Oreo俾我浸到林晒，好难食。整体食物一般般，冇咩服务，但因为餐厅人唔多，慢慢坐，倾吓计都可以。