The Market

 公司请食饭，同老细讲左好多次食The Market，今次终于食到！！1眼望落去好多野食，海鲜有龙虾、青口、长脚蟹，但冇生蚝。第1时间拎龙虾食…wa!! 偏咸都算，重要几韧…青口、长脚蟹冇咩特别。刺身方面帆立贝最吸引，够鲜甜。蟹肉沙律配鱼子酱多士我食左6件或以上，蟹肉好多，味道好突出而且同鱼子酱好夹。呢度有鹅肝食,一定要衬热食，冻左好酥试左个Mini海南鸡饭，味道一般。虫草水鸭汤够入味～葡汁海鲜焗螺食唔到有咩海鲜…甜品系全场最吸精既部分，1个个唔同颜色既蛋壳放埋一齐好靓呀～有绿茶奶冻、百利甜酒奶冻、冻荔枝Jelly、白酒Jelly，2款奶冻都好香好滑。再试creme brulee & 柠檬挞，细细个，食左2个，好食。铁观音大菜糕、香脆猫山王 (炸榴梿) 、榴梿梳乎厘都唔错，但最正系猫山王榴梿雪糕，好似食紧啖啖榴梿肉咁，超香浓，钟意食榴梿既人一定唔可以错过。整体黎讲…完全唔值七百几蚊…