極尚大喜屋 (鱷魚恤中心)

营业中

休息中

朋友第一次去观塘极尚大喜屋既放题，可能系平日关系入场时间都唔会话劲多人，而且想调去窗边位佢哋员工都好迅速安排到值得一赞！饮品区除咗好多款汽水枝装茶仲有分暖饮区，冷泡茶同热茶/咖啡，劲多选择啱晒我呢啲唔饮汽水既人。另外未系电子落单之前，外面都有啲冷盘同熟食可以拎，拎咗啲冷盘虾同埋章鱼小丸子都几受欢迎！仲有甜品同软蛋糕机超想食不过次次食放题最后都会太饱冇食到！扫code电子落单好方便，好欣赏点咗既鱼刺身每块都系厚切，如果有吞拿鱼就好喇，当日售馨的。另外象拔蚌好爽甜好新鲜，带子肉质都系好鲜甜的。因为刺身冇吞拿鱼所以寿司就叫左黑松露吞拿鱼，烧左口鱼边同粒贝都好爽口，呢三样系除咗海胆以外最中意食，寿司饭份量唔会太多，而且饭醋都好好唔会过酸，好食啊！另外昆布鹅肝好特别通常果块系啲omakasa寿司会配搭，估唔到放题都一样落足心机做寿司。仲有好多想试又试唔哂既食物因为午市优惠好抵食！之后有机会午饭都会有嚟！