莆田 (荷里活廣場)

营业中

休息中

会随季节推出当造嘅海鲜菜式的莆田，见佢呢期系大闸蟹就即系过嚟试吓🤤。🥘大闸蟹 $168叫咗一只4-5两嘅试试，果然无令人失望，蟹盖一打开就见到满满嘅金黄色蟹膏，口感算几结实，味道鲜甜有回甘。🥘兴化炒米粉 $108材料有肉丁、干贝、虾米、大白菜丝、香菇、炸豆卜同蛤蜊，米粉干身而有少少弹牙，食落有鲜味，呢道菜虽然望落去平平无奇但味道非常出色。🥘石锅滑豆腐 $98上枱仲系滋滋声仲滚紧，金色外皮包住系滑捋捋嘅豆腐，食落惹味香口，酱汁入晒味，煲底原来仲有一层蛋，夹埋一齐食层次更丰富。🥘黄金荷叶包 $76每次嚟都必食嘅菜式，最钟意佢充满芝麻香味嘅荷叶包，热辣辣夹埋洋葱同酱汁肉丝一齐咬，甜甜嘅包身同埋惹味肉丝，呢一口真系非常满足🥰。🥘莆田荔枝肉 $98外貌就咁睇会以为系咕噜肉，但原来系用荔枝汁同荔枝肉炒嘅，食落系较少嘅酸味，更多嘅香甜，仲有淡淡荔枝肉嘅香味，好味又开胃👍🏻。🎉周年庆赠送辣妈🎊撞啱原来餐厅庆祝紧23周年，送咗一樽辣妈酱俾我哋，嚟紧午餐可以辣妈酱捞饭食😂。