麻吉灶咖

营业中

休息中

喺OpenRice search附近餐厅见到呢间新开台湾嘢就行去试下，去到见间餐厅有空枱但无安排人入去坐，可能人手应付唔到/出菜慢。排咗一阵，两个人坐低点咗「大甲芋泥芝士肉松蛋饼」&「麻吉三小碗」。第一道上枱系蛋饼，食落口就觉得有啲伏，个蛋饼系常温唔热，里面仲落咗沙律酱，啲芋泥味系无嘅。之后等咗半个钟左右，三小碗终于上枱，三碗份量唔多，适合只得一个人但想试几道菜嘅人：墨汁盐酥鸡都系常温，炸嘢都可以系常温咁可能系预制品但翻热唔够，味道亦普普通通；麻吉卤肉饭系微暖，味道系唔错嘅；蚵仔面线一样系微暖，如果有喺台湾食过阿宗面线就知道系边种面，不过里面有蚵仔&豆卜，面线味道唔错嘅。总结嚟讲，败笔在于食品似预制品，厨房亦唔知系咪加热器材不足，唯一优点系侍应服务态度好，亦会主动加水。