影片
更多
2017-04-20
4760 浏览
干捞翅 ~ 利苑都失手？？其实，我都几钟意食干捞翅，因为系心机𩠌，考厨师功夫。干捞翅上枱时一碗翅加一碗汤，见过一些食客立时把鱼翅放进汤内，我通常都会O嘴。干捞翅嘅精髓就系：以干嘅翅身食得出翅汤嘅味道，即系雌雄同体。制作过程通常系先攞少少汤畀你试吓味，你可以俾意见，浓啲定淡啲，厨师会按住你嘅口味调教好个上汤，然后将啲汤逼入鱼翅里面。咁就考师傅炒功啦，不可炒㶶鱼翅，亦不可以湿笠笠，但要够火喉炒到啲鱼翅吸干唒啲上汤。对我嚟讲，𠮶碗汤唔系太重要，我会集中享受干身翅嘅味道，嗒清楚啲上汤喺翅身够唔够味，然后才饮汤。当然，你亦可以一啖翅一啖汤，悉随专便冇乜所谓。今晚呢碗干捞翅系生拆蟹底，蟹肉新鲜。但系鱼翅嘅翅针不够分明，最上面𠮶一层鱼翅有少少，轻轻的煎米粉质感，仲有啲虾子，所以带点烟韧又有点香口。「点解唔系好似食开啲干捞翅，亦都唔系好似你menu幅相嘅？」 经理就向我详细解释: 呢个系改良版，附近好多福建客人喜欢呢个质感，较配合饮酒，面𠮶层鱼翅好轻轻煎一煎。坦白讲，食落去个口感同味道系唔差嘅，都几过瘾，改良版无可厚非，你知啦，北角城市花园同和富中心，直情系小福建嚟㗎啦，而北角城市花园利苑一定系其中一
其实，我都几钟意食干捞翅，因为系心机𩠌，考厨师功夫。干捞翅上枱时一碗翅加一碗汤，见过一些食客立时把鱼翅放进汤内，我通常都会O嘴。
干捞翅嘅精髓就系：以干嘅翅身食得出翅汤嘅味道，即系雌雄同体。制作过程通常系先攞少少汤畀你试吓味，你可以俾意见，浓啲定淡啲，厨师会按住你嘅口味调教好个上汤，然后将啲汤逼入鱼翅里面。咁就考师傅炒功啦，不可炒㶶鱼翅，亦不可以湿笠笠，但要够火喉炒到啲鱼翅吸干唒啲上汤。
对我嚟讲，𠮶碗汤唔系太重要，我会集中享受干身翅嘅味道，嗒清楚啲上汤喺翅身够唔够味，然后才饮汤。当然，你亦可以一啖翅一啖汤，悉随专便冇乜所谓。
今晚呢碗干捞翅系生拆蟹底，蟹肉新鲜。但系鱼翅嘅翅针不够分明，最上面𠮶一层鱼翅有少少，轻轻的煎米粉质感，仲有啲虾子，所以带点烟韧又有点香口。
「点解唔系好似食开啲干捞翅，亦都唔系好似你menu幅相嘅？」 经理就向我详细解释: 呢个系改良版，附近好多福建客人喜欢呢个质感，较配合饮酒，面𠮶层鱼翅好轻轻煎一煎。
坦白讲，食落去个口感同味道系唔差嘅，都几过瘾，改良版无可厚非，你知啦，北角城市花园同和富中心，直情系小福建嚟㗎啦，而北角城市花园利苑一定系其中一间最早开嘅分店，起码超过30年，服务福建帮客人都有几十年了。所以，我要澄清：利苑系冇失手嘅，因为利苑系唔会失手嘅！ 😉😉
即刻用福建话唱返句先：爱拼才会赢！😂😂
张贴
