影片
更多
2017-09-18
70 浏览
今日收工黎到佐敦呢间汉堡店，事前都睇过唔少评语，大部分人都赞呢度嘅汉堡大件夹抵食，价钱又平，所以都充满期待。晚市嘅客人都几多，我地被安排坐喺卡位，空间感足。餐厅嘅装横都几靓，特别系啲枱，都印有唔同pattern嘅图案，墙上面又有唔少怀旧感嘅黑胶唱片装饰。呢度嘅食物选择颇多，有扒类、意粉、饭、all dat breakfast、小食、甜品等等，当然唔少得主打嘅burger。同埋晚市有套餐供应，价钱唔贵，人均一百蚊都唔洗，可以据扒或者食汉堡，而且套餐都包左餐汤、面包👍🏻牛油果炭烧鸡扒汉堡：佢地嘅汉堡款式都几多，见大部分人都点牛堡，其实我见有波士顿龙虾同德国肠都几特别，不过朋友就想试鸡扒，话最近食得太多牛堡，所以我地点左炭烧鸡扒汉堡分享。汉堡都系即时制作，等左十零分钟就上枱，卖相几吸引啦，汉堡嘅size都几有份量。汉堡包食落微温，包质地都算软熟，下面夹有蓝芝士，唔系个个喜欢的，我自己就几钟意，味道会浓啲😍鸡扒虽然冇乜炭香，但味道都唔错，唔会好油腻，而且肉质都几腍。中间仲搽有牛油果酱同夹有生菜，平衡番成个汉堡。另外伴碟嘅沙律菜都几新鲜。呢个价钱又有汤、餐包同汉堡，都算系大件夹抵食👌🏻香煎澳洲牧
牛油果炭烧鸡扒汉堡：佢地嘅汉堡款式都几多，见大部分人都点牛堡，其实我见有波士顿龙虾同德国肠都几特别，
不过朋友就想试鸡扒，话最近食得太多牛堡，所以我地点左炭烧鸡扒汉堡分享。
汉堡都系即时制作，等左十零分钟就上枱，卖相几吸引啦，汉堡嘅size都几有份量。
汉堡包食落微温，包质地都算软熟，下面夹有蓝芝士，唔系个个喜欢的，我自己就几钟意，味道会浓啲😍
鸡扒虽然冇乜炭香，但味道都唔错，唔会好油腻，而且肉质都几腍。
中间仲搽有牛油果酱同夹有生菜，平衡番成个汉堡。另外伴碟嘅沙律菜都几新鲜。
呢个价钱又有汤、餐包同汉堡，都算系大件夹抵食👌🏻
香煎澳洲牧场西冷牛扒：因为见到唔洗一百蚊有块扒据，所以我地都点左一份试下，估唔到质素都唔错啊。
因为朋友唔食太生，所以我地点左七成熟，黎到块扒切开都可以，去好多西餐叫七成熟，通常都系煎到熟哂。
西冷就唔算话好厚，不过肉质都唔错，食落唔干唔韧，份量就唔算多，所以食埋伴菜嘅薯仔就啱啱够饱。
酸忌廉烟肉疯薯：点左汉堡加廿五蚊可以有份薯条，都几抵食，食汉堡唔食埋薯条好似争咁啲野。
薯条嘅份量都唔少，面头有少量酸忌廉，加埋烟肉，其实都几香口👍🏻
平日夜晚，七点零钟客人会多啲，到我地坐坐下都已经接近9点，店员服务都唔错，不催不赶。
食物中规中矩，不过份量真系几多，喺附近冇咩选择可以一试呢😉
张贴
