BBQ Grilled and Baked (已搬遷) 新店位置

BBQ观塘熟食中心嘅呢间餐厅一直都好出名 ，今日食咗佢既烧春鸡配薯角同埋四重芝士肥牛焗饭。首先讲下个烧春鸡 52蚊有半只咁大只已经抵到烂， 食落去啲肉都好嫩滑，不过 我就觉得个味道比较咸， 如果佢落少啲调味料会比较好， 不过呢个价钱真系冇乜可以点，挑剔薯角就正正常常几好食咁样，系会比连锁快餐店好食。讲一讲个肥牛焗饭， 佢就普通咗好多， 同埋都系有一个问题味道比较重。 不过四十几蚊真系大大份， 芝士方面佢都落得嘅多，一个大男人都食到好饱。 佢个水牛城鸡翼， 食落去辣辣地同埋个蓝芝士汁就比较酸其实食落去好开胃因为酸辣，但系感觉上同出面食𠮶啲水牛城鸡翼好唔同， 但系25蚊有五只真系食得过， 不过呢间餐厅食嘅份量都比较多 ，两个人食叫两个餐加一个小食真系好饱。咁佢跟餐嘅多士同埋蘑菇汤就唔另外提 ，因为都系正常嘅 。另外提一提近排有优惠就系会送焦糖布甸但系数量有限送完即止。