文記車仔麵 (福榮街)

营业中

休息中

仲有重澳洲返港，想同佢食餐好既，我问佢想食乜，佢竟然答我车仔面。所以就拣选左深水埗最出名嘅车仔面，文记。无论外卖定堂食，佢都大排长龙，我哋喺晚餐时间用膳，等咗大概45分钟先有得食，但我觉得都系值得嘅。我哋叫咗一碟瑞士鸡翼、一碟通菜、同埋每人叫左一碗车仔面。值得一提嘅系佢嘅小辣其实都几辣，大家要留意。瑞士鸡翼好入味，腐乳通菜都好好味，萝卜好腍同清甜，韭菜饺就冇乜特别，同坊间嘅差唔多，可以不吃。总括嚟讲呢间车仔面比一般嘅车仔面环境整洁，服务较佳，而且食物质素高，价钱亦都合理，绝对值得排队一试。