龍亭

无意中行过佐敦嘅小巷，发现呢间外观极度唔起眼而且完全睇唔透店内嘅小店，望一望门口餐牌先知系食铁板烧嘅，而且价钱非常亲民，晚餐最平嘅omakase套餐都只系$588 ，于是就决定试一试。店内嘅装修比起店外光鲜，但座位数目的确不多，我哋去嘅当晚座无虚席，好唔好彩吧枱位已经满晒，只可以坐普通格嘅位置，下次再去真系要预早订位同留定remark🥹🥗沙律用一块烟三文鱼卷起包住新鲜嘅沙律菜，再鱼子酱用点缀，加上黑醋调味，食落酸酸甜甜又清新，加上旁边唔常见嘅龙珠果，食完个沙律成个胃都开晒 。🐟铁板海鲜一品（四选二）因为我哋叫咗两个餐，可以一次过试哂四款😜大大只嘅扇贝配牛油黑松露汁，肉质弹牙，香气浓郁！东星斑虽然比较细旧，但鱼皮煎到好香脆，而鱼肉又嫩滑，旁边嘅蝶豆花泡泡带少少海水咸味，但个人就唔系好惯阵味。鲍鱼厚肉爽弹，咬落十分有嚼劲，配上自家嘅蒜蓉酱，更能带出鲜味！带子煎得表面刚好而内里仲系鲜嫩，配鱼子酱和意大利黄瓜，无太多嘅调味但食材本身嘅鲜甜已经令人满足 。🥩铁板肉类一品猪扒属于偏瘦嘅肉，但唔会太干太柴，配上菠萝酱汁，香香甜甜又可以去除肉嘅腻感，两者意外嘅夹 。鸡扒煎到皮脆肉滑，特制嘅辣菜汁带点微