影片
更多
2024-07-21
124 浏览
🍗盐焗手撕鸡拼烧腩仔濑粉 以烧味店嚟讲，棋子嘅食物摆盘几精致，唔会油笠笠乱糟糟上碟。份量亦好大方，对得住个价钱。味道方面，盐焗手撕鸡唔会太过咸太干身，抵赞。烧腩仔外皮香脆，算瘦，未必啱钟意食肥膏嘅朋友。烧腩仔若能切细件啲，温度热少少会更好。🍗叉烧拼烧鹅饭叉烧系五花肉，有一层层肥膏向中间个层，食落系爽口，但个人喜欢梅头个款肥叉。烧鹅系呢间店嘅主打，食落烧鹅嘅油香向度，肉少少偏「un」，皮算系脆嘅。中午时人流量多，好多人都叫烧鹅，烧鹅去货速度快，相信唔会拎陈年货出嚟卖，否则会系干净净。欣赏餐厅keep住烧鹅新鲜👍🏻套餐有老火汤赠送，老火汤足料好味道。人均消费约$60。舖头细小，唔算坐得好舒服，加上冷气唔够，炎炎夏日坐得有点辛苦。撇除环境因素，棋子嘅食物质素唔错，系我嘅常去餐厅之一👍🏻
以烧味店嚟讲，棋子嘅食物摆盘几精致，唔会油笠笠乱糟糟上碟。份量亦好大方，对得住个价钱。
味道方面，盐焗手撕鸡唔会太过咸太干身，抵赞。烧腩仔外皮香脆，算瘦，未必啱钟意食肥膏嘅朋友。烧腩仔若能切细件啲，温度热少少会更好。
🍗叉烧拼烧鹅饭
叉烧系五花肉，有一层层肥膏向中间个层，食落系爽口，但个人喜欢梅头个款肥叉。
烧鹅系呢间店嘅主打，食落烧鹅嘅油香向度，肉少少偏「un」，皮算系脆嘅。中午时人流量多，好多人都叫烧鹅，烧鹅去货速度快，相信唔会拎陈年货出嚟卖，否则会系干净净。欣赏餐厅keep住烧鹅新鲜👍🏻
套餐有老火汤赠送，老火汤足料好味道。人均消费约$60。
舖头细小，唔算坐得好舒服，加上冷气唔够，炎炎夏日坐得有点辛苦。撇除环境因素，棋子嘅食物质素唔错，系我嘅常去餐厅之一👍🏻
张贴
