紅磡冰室 (已結業)

上完堂，肚饿到一个点，行经红磡冰室俾佢个招牌吸引左，决定一试。望住餐牌，花多眼乱，最后拣左常餐，贪佢咩都有啲。多士加炒蛋-厚多士烘到外脆内软。个人最爱食法系撒上沙糖，当咸香嘅牛油遇上沙糖并发出难以形容嘅滋味。炒蛋好滑，好香牛油味，夹落多士一齐食，味道都好正。会拣常餐另一原因系俾佢menu上面呢个瑞士鸡翼捞公仔面吸引到。上枱热腾腾，香气扑鼻。鸡翼好入味，肉质嫩滑。公仔面煮得刚刚好，唔会太稔，瑞士汁均匀分布喺每一条公仔面上，食落味道浓郁。最后饮埋跟餐嘅奶茶，真系饱到上心囗。整体而言，佢嘅质素高过一般嘅茶餐厅，而且每碟都大大件。价廉物美，佢当之无愧。