Yardbird

营业中

休息中

Yard Bird，一间著名食串烧鸡既食店，串烧只做烧鸡，不同部位都有提供，呢方面的确几厉害，鸡前列腺都有🤔 食之前已经上网看过好多次佢既访问报导，用备长炭烧，主要分三个炉做唔同烧法。满心期待食到极美妙烧鸡，星期五晚来到，人系非常多既，位就无，唯有立食。每串平均价钱系$45-48左右，部位选择系多，但系味道方面选用左太多花巧嘢，反而比正正经经日式串烧既汁烧/盐烧更差。串烧方面，鸡翼我系极度喜欢食品之一，日式串烧鸡翼系会将鸡翼咁扁先烧，但呢到选用非常细只既鸡翼来做，变得更加细，食落口感唔好。最好食既就系meetball，免治鸡肉棒配酱油鸡蛋，味道非常好，而且因为鸡蛋质素高，食落蛋味浓。以上评价系基于如此名店及价钱配以高expectation之说。如果憋除名气店及不计较价钱来说，的确绝对一试，品质绝对系中高位置。