早安越南 (已結業)

今日同朋友去黄埔行街 第一次去黄埔 唔知有咩好野食 就谂住求其睇下有咩食 点知就见到呢间 一开始系觉得佢门口既装修好得意 根住望入去就见到间餐厅既灯光暗暗地 加上墙身有啲复古既灯式 几有神秘既感觉 气氛十分之好！一入门口啲员工就劲好礼貌咁招呼我地 仲好乐意咁为我地推介野食！根住我地叫左碗扎肉鸡丝汤河 谂唔到既系啲鸡丝同扎肉都丝多下 汤底几浓味 又唔算太咸 食完又唔会好口干个只 系真系几好味!我朋友就叫左碗猪颈肉捞檬 佢啲猪颈肉真系不得了 量多质高！佢既表皮脆脆地 啲肉又嫩 值得再食!!!!之后仲叫左碟小食 个春卷表皮够脆 d馅够多汁 味道好夹 根住个云吞入面个馅够多 个皮又够滑 只鸡翼既香矛味重 闻落好香 又外脆内嫩 不错！最后竟然俾我地发现左呢个优惠 野饮竟然买一送一 仲要系星期一至五呢个优惠系全日都适用 真系好抵呀 两杯野饮先一杯价钱！我地叫左杯芒果沙冰 唔会太涷 唔会有好多冰既感觉 好滑 但又唔会话好水 岩岩好 另外一杯就系青柠苏打 系自己倒d苏打水落去 再自己吉青柠 个味道可以自己控制返 唔洗惊太酸！整体黎讲间餐厅系野食 装修 服务态度方面都好好 值得再去帮衬 要赞要赞!