龍華酒店 (下禾輋)

营业中

休息中

星期六系平安夜，我同老公行完望夫石之后，夜晚去左龙华酒店食中菜。入到餐厅前会经过一段挂满红灯笼既路，好有特色。茗茶每位$13，我地叫左普洱。我地叫左五样野，上菜速度好快。龙华极品红烧乳鸽(顶鸽)龙华酒店果然出名食乳鸽，平时食既乳鸽都好少肉食，但呢度啲乳鸽做到啖啖肉，肉质都够嫩，系我食过最好食既乳鸽，而虾片都好脆。古法绍酒醉乳鸽第一次食醉乳鸽，闻到阵阵酒香，估唔到都几夹，好食。驰名沙田滑鸡粥食得出煲左好耐，鸡既精华渗透晒系粥到，粥亦好软绵绵。2-3人份量多到够6个人食。上汤虾伊面六只虾全部都劲大只，伊面份量好多，好正。椒盐山水豆腐片豆腐系一片片，唔系粒粒个种，味道辣辣地。