凱悅海南雞專門店 (已改名) 查看

平实街坊小店，价钱亲民，味道不错，以食物质素取胜，星期日中午见一家大细坐满店面。呢度除左有海南鸡，仲有盐水鸭，醉鸡，牛腩，咖哩，粉面，总有一款啱你。餐牌有个名好有趣，叫张飞牛腩，问店员原来系咖哩。但点解叫张飞，佢话唔同一般咖哩咁椰香，啲辣好似张飞块面咁，即系点？！下次试下先🤣，今日就食海南鸡同盐水鸭先。无骨海南鸡饭 $58可选白饭或黄姜饭跟紫菜汤+$5冷热饮品鸡滑，件数多，鸡好够味，沾葱油已经OK，黄饭唔油，份量好够。紫菜冇沙，有肉碎，汤清淡但够味。佢地有自家供应农场，啲鸡品质有保证。无骨盐水加积鸭饭 $58比起鸡我更钟意鸭，肉嫩，一啲都唔酥，一啲都唔咸，够味，沾自家制酸辣汁，酸酸地好开胃。另外叫左个小食香茅猪扒 $30成个碟咁大块😳，厚切，唔肥，啖啖肉，香茅味不浓。饮品叫左热奶茶和热柠蜜，饮品就好一般，可能冻饮好啲，因为见其他人都系点冻饮😅🌟店员友善，有问有答，果然系做街坊生意。食物质素不错，不过离大街有啲远，系康乐路站行8-10分钟。