Lucky Ristorante (已結業)

同个朋友响旺角𠮶边做完嘢，就走咗去附近揾嘢食，一边弹奏一边走咗去睇野，结果行咗去旺角618 ，咁就直接谂住响𠮶度揾啲嘢食吓算数，跟住睇吓水牌之后见到有呢间餐厅就谂住即管上去试吓。去到个环境都还算几好嘅，时间方面可能过咗高峰期，所以都唔算好多人，唔使等位。朋友就叫咗个花之恋班尼狄蛋，我就叫咗个美国BBQ酱烧猪仔骨薯格。个班尼狄蛋嘅份量都算唔错，亦都做到𠮶种流心蛋嘅感觉，不过系食落去𠮶阵时有少少论尽。猪仔骨都算OK，主要系个BBQ酱真系帮到手，反为估唔到个薯格炸得几脆几香口。