金鳳大餐廳 (D2 Place TWO)

营业中

休息中

午餐有牛油餐包，个包都暖暖地，西汤(罗宋汤或忌廉汤)，饮品，冻饮不用加钱，好开心，免加一服务。叫左午餐A$68，洋葱汁牛肩肉配薯菜，薯条好多，睇落比较油，牛肩肉都几淋，食唔到松肉粉味，嚟到已经切好晒一旧旧，份量正常，如果配饭或意粉会好饱。我见隔离枱叫意粉，个碗意粉系满满一碗，见到都饱左😆。确实系怀旧餐厅，个洋葱汁系茶记味道，牛肩肉都系茶记水准，不过不失。2点后叫午餐有9折，唔使加一，有八达通付款，埋单$61，对得起呢个价钱丫。