山本屋 (圍方)

营业中

休息中

我平时喺大围附近返工放lunch嘅时候经过间舖，每次都好多人有十几20个人排队所以好想食，但奈何每次等候时间都要超过30分钟，所以我就从来都冇食过，但系今次咁难得放假我又去开葵芳行街𠮶时三点几冇人排队就梗系要即刻入去啦入到去环境虽然唔光猛，但系有有种好安静令人舒畅嘅感觉，我打开咗个Menu睇到佢有唔同嘅乌冬汤底选择，我就拣咗最传统嘅面豉汤而我朋友就拣咗浓嘅咖喱汤底。估唔到佢煮个乌冬大约要20至30分钟，终于到了乌冬，佢哋系用一个铁兜去装住啲乌冬，而店员都好细心咁样同我讲话唔好掂到个铁兜因为会灼伤我一咬落乌冬感觉到乌冬嘅面质同传统乌冬并唔同好厚好似人手打咁，然后我就询问店员。店员就带咗我去睇个师傅手打乌冬，原来驻场有日本师傅喺度指导啲新员工，我极度推介俾大家，我会再嚟。