紫蝶花 (已結業)

将军澳中心装修后食过两次。由东南亚食品变到做埋中菜。第一次一个人两𩠌冬荫功面煮错𩠌，为咗唔好浪费冇同侍应讲照食。第二次同家人再去食，食物好快送到，但系味道真系好一般。今日新年，未到七点已经成个将军澳中心嘅餐厅都排长龙，贪呢间算最少人等，本来打算食第三次。因为初时得两个女侍应，两个人一齐处理收钱，所以攞飞都要排队等一阵。有一张拍埋嘅4人枱，其中一边冇人坐，但一直都冇叫飞，以为佢想留黎做中枱。等到食紧𠮶两位埋单，奇怪在位阿姐系叫2人枱入去本身都冇人嘅单边枱，而同时间冇人等2人枱。即系刚埋单𠮶边枱变咗冇人坐。等位期间，成日都见2个侍应处理收钱，等攞飞嘅要排队。又见到迟黎嘅阿姐畀飞先，喺度排队嘅就畀人打咗尖。到叫4人枱，前面叫左号码但冇人应，好快就叫到我嘅号码，我去到嘅时候，过左飞嘅冲返黎。一向餐厅过飞系等下张补飞，但阿姐竟然系叫我等，佢要补返张畀冲返黎𠮶个。虽然周围都要等，但系已经唔想再等，咁嘅服务都唔会食得开心。呢间餐厅如果冇人排队，食物系上得几快嘅。佢要排队嘅时间唔多，如果要排队就真系唔好试喇，啲职员根本处理唔到又唔到。