札幌拉麵 Miso No.1 x 辛味屋

营业中

休息中

话说𠮶日我地睇完「多啦Ａ梦」就去揾嘢食啦，当时约莫夜晚八点左右，又唔算十分之肚饿。于是行咗一圈睇吓有咩选择。荷里活广场嘅食肆选择都颇多嘅，结果我地都系拣咗食拉面啦！估唔到呢个时间都有咁多人等位㖞！等咗十分钟，终于入得！入到去里面坐低，就俾我发现到𠮶部外型好醒目又靓仔嘅净水机，因为我屋企都有用啊！店家真系识货喇！之后就开始叫嘢食啦，我地点咗一个二人套餐，有主食同埋三款小食嘅。主食嘅拉面不过不失，唔算太油同太咸，但系又系冇半只溏心蛋做装饰，呢度扣咗少少分！另外小食方面，推介自家制嘅饺子，烧鱿鱼就一般般，但系就够热。至于烧牛舌，系完全唔掂，又干又鞋又薄，下次想食烧牛舌要去帮衬正宗日本串烧店喇。