正宗上海生煎皇 (已結業)

友人一直话要食小笼包，经过一番讨论同网上面揾嘅结果，就近近地去试呢一间。去到咁啱有台人走，所以等左唔驶1分钟就有位。去到当然叫笼小笼包食，呢次我哋冇试正宗嘅小笼包，试咗芝士鲜肉小笼包，芝士唔会盖住肉嘅味道啱啱好，食落去都有肉汁流出来，最好就趁热食，只系个皮比较厚咗少少。麻辣粉丝伴猪红系因为听到个侍应话新出，所以叫咗碗，本人因为唔食猪红，所以我净系试咗啲粉丝，辣度我觉得系好微好微嘅辣。钟意食茄子嘅人可以试吓呢个，茄子加京汁味道好香。不过菜饭味道就一般最后食埋个四川担担面饱哂，连出名嘅生煎包都冇食到。地方比较细，不过呢个价钱食到啲咁多嘢食已经好好，下次要再嚟食生煎包同其他野。