愛群餐廳

营业中

休息中

今晚同男友无咩planing，又唔系好肚饿，谂住求其在附近揾间餐厅食。去完深水埗买嘢，行过长沙湾食饭见到爱群餐厅，见装修都几靓，响门口睇到餐牌，晚餐食扒又几平㖞，咁就入去试吓啦。因为我同男朋友都唔肚饿，今晚净系叫咗一个扒餐share食。真系估唔到都几大份！我地叫咗龙虾西冷牛扒餐，好味！连薯菜都唔hea! 真系超有诚意之作！先讲跟扒嘅配菜，平时食扒嘅薯菜，通常系配𠮶啲好Hea嘅菜，即系永远都系配颓饭嘅菜，但今次呢间系配翠玉瓜、紫色洋葱、甘笋等，仲要啲薯条超大条！你条仲要唔会比啲汁搞到林晒，加分！西冷牛扒，我哋叫咗五成熟，加埋铁板，啱啱好。好厚、多汁而且牛肉味够，感觉唔会好似落咗好多松肉粉咁，正龙虾就一般水平，不过心谂都好难整得难食本身冇意粉跟餐，加5蚊就有茄汁意粉，意粉都好食㖞，好浓茄汁味真系杯奶茶都有得赞，加3蚊，个杯高到同枝茄汁一样高，利害利害！奶味较浓，钟意茶味浓啲嘅朋友应该会觉得麻麻。而最值得赞赏嘅系，餐厅嘅服务员真系超好，晚市多客，服务员请我地转枱，态度好到我地都有点唔好意思，即刻say yes!! 满足、满意嘅一餐！