金鳳大餐廳 (D2 Place TWO)

营业中

休息中

细个时候屋企人去锯扒都会去金凤，所以对呢间餐厅嘅名非常熟悉。长大后工作太忙，都好少机会同屋企人食饭。难得今晚唔使OT，去咗D2 Place嘅金凤大餐厅，亲切嘅感觉返晒嚟。经典是日餐汤加餐包餐包上台够热够软熟。质素一啲都无求其，忌廉汤够creamy，完全无过稀嘅质感。罗宋汤味道系正宗港式餐厅嘅红汤味，好怀念。招牌牛柳扒套餐虽然铁板上，但睇得上有预埋铁板上嘅时间，所以叫三成就真系食嘅时候足3成，无多无少够细心。牛柳份量好劲，两大块。肉质唔柴有弹性，无用偷偷地用松肉粉。牛味特浓。T骨牛扒餐T骨肉质嘅骨质真系好滑，食近骨嘅肉嘅时候感觉个牛肉味更加浓郁，薯菜系底吸收哂肉同骨嘅味，最后先食系最香最好食。同埋一大块T骨咁上台真系好过瘾。