影片
更多
2023-10-13
1501 浏览
「喂，去打冷喇」，明明成句句子都无任何一只字系关于食物或食嘢，不过唔知点解个个香港人已经将「打冷=去食潮州菜」Anyway，我哋今次介绍嘅系我哋由细细个食到大而且价钱非常亲民又有质素嘅西环一代著名食店，金兴潮洲饭店！舖头得到街坊们多年对吕老板嘅鼎力支持，已经扩展出几个舖位喇🤣去骨鹅片($140)：份量足/鹅片厚/连鹅皮，呢三个因素通通齐哂！加埋佢哋嘅卤水汁，无论系鹅片或垫底嘅炸豆腐都够哂入味，而且唔会爆咸👍🏻 鹅片肉质柔嫩，一啲都唔嚡，连埋鹅皮一啖咬落去，鹅香十足🥹令到我哋即刻叫个「靓仔」(白饭，$10)同一枝啤酒($25) 𩠌饭食🤩豉椒炒蛏子($140)：份量好够，当然唔好expect蛏子肉好大条喇，大约无名指咁上下喇🤏🏻一上枱我哋已经闻到好香嘅豉椒味🤤蛏子新鲜，无沙，食落鲜甜而且带少少辣，越食越正。椒盐九肚鱼(例$90)：即叫即炸，上枱时我哋仲feel到阵热力源源不绝咁系九肚鱼到散发出嚟🥵炸粉上得好薄身，而且九肚鱼好嫩滑，口感上形成咗外脆内软，沾少少佢哋自家调制嘅醋，中和翻个油腻感，正！今次九肚鱼嘅骨仲唔太多，无sip牙罅🤣 当然呢啲嘢系撞手神嘅😌墨鱼鹅肠双并($80)：墨鱼都叫新
「喂，去打冷喇」，明明成句句子都无任何一只字系关于食物或食嘢，不过唔知点解个个香港人已经将「打冷=去食潮州菜」Anyway，我哋今次介绍嘅系我哋由细细个食到大而且价钱非常亲民又有质素嘅西环一代著名食店，金兴潮洲饭店！舖头得到街坊们多年对吕老板嘅鼎力支持，已经扩展出几个舖位喇🤣
去骨鹅片($140)：份量足/鹅片厚/连鹅皮，呢三个因素通通齐哂！加埋佢哋嘅卤水汁，无论系鹅片或垫底嘅炸豆腐都够哂入味，而且唔会爆咸👍🏻 鹅片肉质柔嫩，一啲都唔嚡，连埋鹅皮一啖咬落去，鹅香十足🥹令到我哋即刻叫个「靓仔」(白饭，$10)同一枝啤酒($25) 𩠌饭食🤩
豉椒炒蛏子($140)：份量好够，当然唔好expect蛏子肉好大条喇，大约无名指咁上下喇🤏🏻一上枱我哋已经闻到好香嘅豉椒味🤤蛏子新鲜，无沙，食落鲜甜而且带少少辣，越食越正。
椒盐九肚鱼(例$90)：即叫即炸，上枱时我哋仲feel到阵热力源源不绝咁系九肚鱼到散发出嚟🥵炸粉上得好薄身，而且九肚鱼好嫩滑，口感上形成咗外脆内软，沾少少佢哋自家调制嘅醋，中和翻个油腻感，正！今次九肚鱼嘅骨仲唔太多，无sip牙罅🤣 当然呢啲嘢系撞手神嘅😌
墨鱼鹅肠双并($80)：墨鱼都叫新鲜，好弹牙！而且包含嘅部位有墨鱼身及墨鱼须，美中不足嘅系我哋食到有少少碱水味，呢度扣咗少少分🤏🏻不过佢哋嘅鹅肠就真系好正，而且鹅肠入边嘅肥膏已经全部清理好，唔会话食完觉得好油腻🤤仲要条条都咁爽口弹牙。最底层佢哋用咗中国最钟意割嘅一种菜垫底，就系韮菜🤣
呢间餐厅大大话话都过30年历史，而且净系开晚市，咁多年都系㗎啦！所以佢哋绝对系一间有实力，而且深得街坊欢迎嘅舖头！第一次嚟嘅朋友讲定你听，侍应好似好恶咁，不过佢哋冇心的，最紧要系跟翻人哋规矩，人齐入座，咁就冇问题👍🏻希望30年后，我哋同大家都仲听到呢一句广东话「喂，去打冷喇」
张贴
