馬來屋星馬泰美食 (已結業)

自从启钻苑入伙后, 唔少餐厅都进驻新蒲岗, 今日丫姨系新蒲岗扫日用品, 叫我放工join佢一齐dinner。新蒲岗除了工厂大厦, 亦有几座新写字楼, 楼下几层都为食肆, 今晚就去咗呢间马来屋试试。餐厅内装修简约, 如同快餐店般, 地方企理。自行scan QR code落单, 食物极快上台。晚市同样可以点lunch-set, +$8升级特饮。海南鸡饭:油饭粒粒分明, 有油香得黎唔会过油; 海南鸡卖相唔太好, 鸡皮不完整又暗黄, 还好肉质算滑, 另配上海南鸡酱。黄咖哩牛饭: 个汁唔会好稀, 很有咖哩香, 唔辣; 牛好林, 配有唔少好林嘅薯仔, 捞饭食几开胃。泰式奶茶: 奶香味突出, 有淡淡茶味, 味道正宗。另外散叫咗几款share食。炸虾饼: 呈扁平状, 炸得偏为㶶咗d, 外层脆, 内里鲜甜弹牙, 点酸甜酱食, 不错。马拉盏炒芥兰: 炒得几有获气, 芥兰茎爽脆, 个汁有微微地辣, 几香。盐烧鸡全翼: 鸡全翼欠缺鸡搥, size亦不算大只, 烧至金黄, 加咗少少盐吊味。